AMEDTIMES- Di çarçoveya kampanyaya "Ez ji Amedê hez dikim, qirêj nakim" ya ku Şaredariya Bajarê Mezin di 5'ê Hezîranê de ji bo paqijiya hawirdorê daye destpêkirin, li park û baxçeyan hevdîtinên bi gel re dewam dikin. Di sohbetên rûbirû yên bi kesên li parkan re rû bi rû dimînin, hişyarî tê xwestin ku hevsengiya ekolojîk biparêzin û jîngehê paqij bikin. Hevşaredarê Bajarê Mezin Dogan Hatun, Hevşaredarên Sûrê Fatma Gulan Onkol û Adnan Orhan, serekên daîreyan û endamên meclîsê beşdarî çalakiya duh bi şev li Baxçeyê Miletî ya navçeya Sûrê hat lidarxistin bûn.
Hevşaredaran bi armanca hişyarkirina civakê li Baxçeyê Miletî li du aliyan geriyan û tûrikên çopê li welatiyan belav kirin. Hevşaredar Hatûn bi welatiyên li parkê bêhna xwe vedin re sohbet kir, li daxwaz û pêşniyarên wan ên çareseriyê guhdarî kir û bi belavkirina tûrên çopê hestiyariya li ser paqijiyê xwest.
Hevşaredar Hatûn: Em ê dagirkeriya li parkê qebûl nekin
Hevşaredar Hatûn bal kişand ser hebûna kargehên ku ji aliyê hin kesan ve li dijî xwezaya parkê hatine vekirin û got, hem rewşa dagirkeriyê û hem jî pirsgirêkên ku rewşa Geliyê Dîcle xera dikin, nayên qebûlkirin. Hatun diyar kir ku ew ê xwezayê paqij û parastinê bikin.
'Ciwan bajar hembêz dikin'
Hatûn ku ji nêz ve eleqeyeke mezin nîşanî ciwanên li parkê da, li ser kursiyên ku ciwan lê bûn rûnişt û bi gîtarê li stranên ku hatin gotin guhdarî kir. Hatun diyar kir ku ciwan bajêr hembêz dikin û wiha got: "Ciwan, daxwaza me ji
'Bila dar neyên birîn'
Welatiyan daxwazên xwe yên wekî "Girtina rêya Baxçeyê Miletî ji trafîkê re, wesayît bi lez nezêrînin, li muzîka bilind guhdarî nekirin, hawirdor ji çopê paqij bikin û dezenfektekirinê" di cih de ji yekîneyên pêwendîdar re ragihandin û xwestin bê çareserkirin. Hatun der barê daxwaza zarokan a "Dar neyên birîn" de jî got, "Heta ku em desthilatdar bin ti dar nayê birîn."
Welatiyan kêfxweşiya xwe anîn ziman
Welatiyan ji ber guhertinên li bajêr piştî rêveberiya qeyûmtiyê kêfxweşiya xwe anîn ziman û spasiya Hevşaredar Hatun kirin.