AMEDTIMES- Li Amerîkayê dê 5ê Çiriya Paşîn hilbijartinên serokatiyê werin kirin. Kamala Harris piştî namzedbûna xwe cara ewil ji CNNê re axivî.
Harrisê êrişa 7ê Çiriya Pêşîn a 2023yan a Hemasê bi bîr anî û got ku mafê Îsraîlê yê xweparastinê heye.
“Divê ev şer xelas bibe”
Namzeda Demokratan li ser mijara ku “Gelek Demokrat dixwazin Amerîka ambargoya çekan deyne ser Îsraîlê” jî got:
“Di polîtîkaya çekan de ti guherîn çênabin. Divê em niha peymanê ji hev safî bikin û dîlan rizgar bikin, divê ev şer xelas bibe.
Ez bi eşkereyî bibêjim, fikra min a li ser şiyana xweparastinê ya Îsraîlê qewîn e û naguhere.”
Kamala Harrisê li ser projeyên xwe jî diyar kir ku dê “enflasyonê kêm bikin, alîkariya ji bo zarokan zêde bikin û krediyê bidin kesên ku cara ewil xaniyekî bikirin.”
Li gorî anketa dawî ya ku ji aliyê New York Timesê ve hatiye belavkirin, Kamala Harris ji sedî 49ê dengan û Donald Trump jî ji sedî 45ê dengan distîne.