Li gundê Deriyê Meşîkanayê yê Mêrdînê kesên ku di ber avahiyeke vala re derbas bûne qêrîna zarokekî bihîstiye. Dema çûne nava wê avahiyê, wan zarokekî biçûk ditîye ku dest û lingên wî bi kelemçeyên plastîk hatine girêdan û îşkence lê hatiye kirin. Wan di cih de dest û lingên wî vekirine û zarok ji avahiyê derxistiye.
Tam di wê demê de dêya ku navê wê nehatiye zanîn û bavê zarokê yê bi navê H.A. yê 35 salî xwest ji ber welatiyan birevin lê xelkê êrişî wan kir. Xelkê tê derxistiye ku li ser laş û serê wî zarokî şopên lêdan û îşkenceyê hene û zarok tî û birçî ye. Wan nan û av daye zarokê îşkencedîtî û xeber daye polîsan. Li ser agahdarkirinê polîs û tîmên tendirustiyê çûn cihê bûyerê.
Hatin girtin
Dê û bav ji aliyê polîsan ve hatin desteserkirin. Polîsan piştî wergirtina îfadeyan jin û mêrên desteserkirî birin dadgehê. Dê û bav ji ber ku îşkence li zarokê xwe kiriye bi biryara dadgehê hatin girtin.
Li gorî agahiyan, piştî dermankirinê zarok dê radestî Rêveberiya Xizmetên Malbatê û Civakî ya Mêrdînê bê kirin. Hat zanîn dê û bavê ku îşkence li zarokê xwe kiriye ji Sûriyeyê ne.
