AMEDTIMES- Qaymeqamê Dûkanê da zanîn ku êriş bi rêya dronê hatiye kirin û li gorî agahiyên destpêkê 3 kuştî hene.
Li gorî agahiyan êrişê îro piştî nîvro rû daye.
Birêvebirê Nahiyeya Xelekanê Kameran Abdula da zanîn ku di otomobîlê de 3 kes hebûn û her sêyan canê xwe ji dest daye.
Kameran Abdula diyar kir ku laşên wan bi temamî şewitîne û nayên naskirin.
Her wiha êrişê li navbera gundê Mêrgepaşa û Xelekanê rû daye.
Şahidekî dîmenên bûyerê şandin û xuya dibe ku êgir girtiye otomobîlê û dûxan jê bilind dibe.
Heta niha nehatiye gotin bê dron a kê ye lê divê were îfadekirin ku Tirkiye demê dawiyê li Herêma Kurdistanê û Bakurê Suriyeyê gelek êrişên bi dronan pêk tîne.
Çavkanî: Rûdaw
