AMED TIMES - Enes Erdem Yuksel ê 25 salî 5 sal berê piştî nîqaşa bi malbata xwe re, ji malê hat der kirin. Yuksel, bi pereyê ku li cihên xebitî bû û bidestve anibû, amûran kirî. Ji wê rojê û pê ve bi rê ket û dest bi geşta cîhanê kir. Amed jî bû 71emîn rawestgeha Yukselê ku di nav 5 salan de, li 7 welat û 70ê bajaran geriya ye.
Ev 5 sal in li Tirkiyeyê digere
Enes Erdem Yuksel anî ziman ku wî ji herêma Behra Spî dest pê kiriye û ev 5 sal in li Tirkiyeyê digere. Yuksel diyar kir ku ew ji Kahramanmaraşê derketiye rê û wiha got: “Ez ji bajarê xwe, ji gundê xwe yê deştê, bi otostopê çûm Edeneyê, di ser Osmaniyeyê re heta Mêrsînê min dest bi rêwîtiyê kir. Min cara ewil li Mêrsînê Behra Spî dît. Wê rojê, min fêm kir ku divê ez vî karî bikim, divê ez berdewam bikim. Min tiştên ku berê qet neceribandibû dît û ceriband. Ez pir kêfxweş im. Dema ku min di nav çend mehan de tiştên ku min bi salan nedîtibûn dîtin û jiyam, min fêm kir ku divê bijîm ev e. Ev 5 sal in kêrê hênik û hewa xweş lê be, ez diçim wê derê. Amûrên min ên jiyanê bi min re hene. "Şikir ji Xwedê re, ez rêwîtiyê dikim, ez dibînim, ez mirovên nû nas dikim,"
"Min serdana 7 welatan kir"
Yuksel, diyar kir ku Amed bajarê 71’emîn e ku ew li Tirkiyeyê geriyaye û got, “10 bajar mane. Ez hêvî dikim ku ez di wextê xwe de biçim wan bajaran jî. Ez nû ji Sirbistanê vegeriyam. Dema ez ji Sirbîstanê vegeriyam, ez li Riha (Şanliurfa), Diyarbekir û Mêrdînê geriyam. Ez sê roj berê li Rihayê bûm. Ez duh hatim vir, ez li vê derê digerim. Ez ji xeynî Tirkiyeyê, li 7 welatên din geriyam. Li cihên ku min nedikarî bi otostopê biçim, ez bi balafirê diçûm û bi otostopê jî li herêm û gundên wan digeriyam. Min bi Gurcistanê dest pê kir; Min me û nîv heta 2 mehan serdana Gurcistanê kir. Ez hatim Tirkiyeyê û di ser Doğubayazıtê re çûm Îranê. Ez 87 rojan li wê mam û li zêdeyî 45 bajaran geriyam. Ez çûm Kosovayê û li bajarên kevnar ên Osmaniyan gerîyam. Paşê ez çûm Makedonya û Albanyayê. Albanya xwedî xwezayeke ecêb bû, min wê derê ziyaret kir. Ez li Montenegroyê (Karadağê) meh û nîv heta 2 mehan xebitîm. "Min li wir jî cihekî baş girt,"
"Ez 5 sal in di rê de me"
Yuksel diyar kir ku hewcedariya wî bi pereyan nîne û wiha got: “Ez bi otostopê diçim her derê. Di demên nepêkan de ku kesek min bi otostopê hilde, ez cîhek jî peyda dikim. Pir caran ez zikê xwe jî têr dikim. Min bi pereyê ku min teserûf kiriye, alavên xwe dikirim. Hemû pêwistiyên min ên ciyê razanê, hammok û malzemeyên pêwist li pişta min in. Ev 5 sal in ez di rê de me, ez dizanim çi bar e û çi ne bar e. Ez rêwîtiyek tam dem dikim. Min ji bo malbata xwe gelek hewl da, min hewl da ku ew çi dibêjin bikin. Lê ez ciwan bûm, tiştên ku min nedikarî bikim hebûn. Dema ku me nîqaş kir, wan tiştên piçûk mezin kirin û min ji malê der kirin. Ez tiştên wisa xweş jiyam ku niha dibêjim :'başbû ku wan ez der kirim' "
